هو دة الضمير

هل جيت فى ليلة بعد يوم طويل من الارهاق والتعب تحط راسك على المخدة

لقيت حد بهمس فى ودنك ويكلمك ويزن عليك

لالالالا مش عفريت ماتخفشى .........دة ضميرك

اه دة الكائن لا هو مش كائن هو شئ مؤرق رخم يصحيك من احلى نومة ويفضل يانب فيك

انت النهاردة عملت كذا فى فلان وانت عارف انة ممكن يزعل.....اعترف

انت النهاردة رديت على والدتك بطريقة فيها اساءة ادب وهى سكتت بس لانها ام...اعترف

انت النهاردة نسيت الفرض عمدا رغم انك عارف اهمية صلاة الفرض فى وقتة.....اعترف

انت النهاردة جبت سيرة فلان وقلت علية كيت وكيت وانت استحالة تقول الكلام دة

قدامة.....اعترف

انت النهاردة كدبت لا واية وكمان حلفت كدب علشان تسبك الكدبة....اعترف

انت النهاردة ...عملت وعملت وعملت

طبعا فية حاجات كتير قوى بنعملها فى اليوم الواحد تخلى اسقع وابرد ضمير يتكلم ويزن

بس بقى المهم انت بتعمل اية لضميرك

بتسمعلة ولا بتنفضلة ولا بتركنة على جنب ولا بتحطة جوة الدولاب وتقفل عليةولا هو

اساسا ضميرك بيسبقك فى النوم و مجرد ما بتحط راسك على المخدة بتشد النوم من

تحتها وتناااااااااااام