فــــــــــــلانه محجوزه لفـــــــلان ؟؟؟

بسم الله الرحمن الرحيم
السلام عليكم ورحمة الله وبركاته
عساكم يااحلى اعضاء بالف عافية
والله اشتقتلكم كثييييييييير
الصراحة هذا الموضوع عجبني وحبيت انقله لكم واخذرايكم فيه
وهو ان فلانة محجوزة لفلان
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان

قصص تبكي القلوب .. وأحلام تضيع في قرار
أمال وأمنيات تتبخر ..
بصراحة انا احس ان الحجز فيه ظلم للبنت
خصوصا ان الولد لو كبر وغير رايه مايتأثر
لكن البنت حساسة وتتأثر
وفوق كل هذا معد بيجيها خطاب لانهم يعرفوا انها محجوزة لفلان
ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي تتأثر اكثر

يخلص الحبر والكلام مايخلص
من المذنب .في هذا كله. الشاب , الشابه , الأهل , العادات والتقاليد ؟؟
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟
وماموقفكم منه ؟؟